Teststrikking; Bleiebukse frå Tidilibom.no

I haust teststrikka eg ei bleiebukse for Tiddelibom.no. Eg syns den var veldig søt, og den gjekk fort å strikke. Då er det greit å teststrikke! Den er strikka i Merino Extra Fine og størrelsen eg blei bedt om å strikke var 3 mnd. Oppskrifta (med flerie størrelsar) kan kjøpast på nettsida hennar, Tidilibom.no. 

Ferdig resultat!

 Belietrusa er strikka ei eit stykke, slik at framstykket og bakstykke heng saman. Enkel og genial måte å strikke slike plagg på syns eg! Det gjer også at den er morosam å strikke og lite montering (kun å strikke rundt beina etterpå).

Baksida, mønsteret går heile vegen

 Det stod i oppskrifta at det skulle gå med 50g, altså 1 nøste. Det stemte ikkje heilt for meg, og det gjekk med heile 65g, og eg måtte derfor ut å kjøpe eit ekstra nøste.

Bleiebuksa sett frå sida

Mønster: Bleiebukse frå Tiddelibom.no
Garn: Merino Extra Fine frå Drops
Pinne: nr. 4
Størrelse: 3 mnd
Garnforbruk: 65g

Vintage babyromper med nydelige fletter

Tidligare i haust kom eg over eit bilete av ein romper når eg googla rundt. Eg fall for han med ein gong med dei fine flettene sine. Og dykk har vel forstått at eg er hekta på rompere? Så eg starta å saumfara internett for å finne oppskrifta, og trur du ikkje eg klarte det til slutt? Oppskrifta fann eg, det var ei engelsk oppskrift, men det gjer jo ingenting! (link til oppskrift her)

Det var dei fine flette som går langs sidene og opp på  selane eg fall for

 Etter å ha diskutert litt med nokre veninner når me hadde strikkekveld, så kom eg fram til at den lys lys grønne fargen på nokre Baby Merino nøster endelig skulle få sjå dagens lys. Noko eg var veldig nøgd med, for eg hadde gått lenge og grunda på kva eg skulle bruke denne fargen til.

Nydelige detaljer!

Baksida, også med dei fine flettene. 

 Som regel klarer eg å finne knappar i lageret mitt, ettersom eg har samla opp ei god samling, men denne gong såg eg nokre knappar på den lokale strikkebutikken som ville passa perfekt! Dei kunne ikkje stått finaere til fargen.

Flettene går opp langs sida og fylgjer så bak på selane.
Eg vart omså spesielt nøgd med knappane, passa perfekt til fargen! 

 Eg strikke det aller meste av oppskrifta til punkt og prikke, det einaste eg gjorde om var skrittet. Eg tenkte at det ville vara mest praktisk å ha knappar i skrittet. Eg brukte då den nye metoden min, som eg også brukte på Solskinnsdrakten frå Paelas; men denne gongen med berre 3 knappar ettersom størrelsen ikkje er så stor. Å endre ein drakt utan åpning i skittet til å få det er nokså enkelt, du gjer berre slik;

Når du legg opp masker til å starte forstykket strikkar du først f.eks. riller slik eg har gjort (ca 4 riller) før du går over til å auke slik oppskrifta seier. På bakstykket gjer du det same, men strikkar inn knappehol f.eks. etter 2 rilla. Denne gongen laga eg eit knappehol midt på. Når drakta er ferdig og du skal strikke rundt beina (strikker dette at og fram f.eks 1r, 1v) strikker du inn eit knappehol på bakre del etter nokre omgangar, må etter knappeholet som allereie er der, slik at dei kjem ca på linje. Med å strikke knappehola slik, unngår du at du får to lause flikar når du strikkar beinkanten att og fram. Det ser mykje finare ut!

Knappar i skrittet

Fletter langs heile sida

Mønster: Cable Playsuit
Garn: Baby Merino frå Drops
Pinnestørrelse: nr. 2,5
Størrelse: Infant size (one size)
Garnforbruk: 69g

Maritim Solskinnsdrakt

Etter å ha sett eit kjempefint bilete på instagram av ein solskinnsdrakt som var strikka med eit maritimt innspel. Garn fann eg liggande i lageret mitt, så då var det berre å setta i gong. Garnet eg fall på denne gong var Merino Cotton frå Drops. Syns dette garnet er veldig godt å strikke med. 

Skulderpartiet er nok av det finaste med heile drakta syns eg!

Mønster: Solskinnsdragt fra Paelas.com
Pinne: nr. 4 + nr. 2,5 til midjepartiet
Størrelse: 1 år
Garnforbruk: Blå ca 100g, kvit va 30g

Det er ikkje fyrste gong eg har strikka denne, den blei også strikka tidligare i somar (du kan lese om den her), men den er så søt at det ikkje gjorde meg noko å strikke den ein gong til!

I motsetning til førre gong, blei denne strikka med knappar i skrittet. Dette er vel i grunn mest praktisk. Det einaste eg ikkje likte med oppskrifta når ein skulle laga knappehol i skrittet var at det kun var knappar i midtpartiet, mens kanten du lagar på buksebeina blir hengande å "flagre". Det eg derfor gjorde var å lage to knappehol på midtpartiet, idet du startar på drakta. I tillegg laga eg eit knappehol på kvar side når eg laga kanten rundt buksebeinet også, slik at desse kantane "heng saman", og får då totalt 4 knappar på rekke og rad. 

Tøfler til Fattighuset

På julebordet med jobben i år blei me oppfordra til å ta med gåver til Fattighuset. Sjølvsagt måtte eg strikke noko! Ettersom det var litt knapt med tid endte valet på eit par tøfler frå Drops som eg har strikka før. Og dei blei ferdig i tide heldigvis! Viss du har lyst å gi noko til Fattighuset kan det sendast til: Fattighuset 39, 0190 Oslo.

Mønster: Little red Riding Slippers

Garn: dobbel tråd Nepal 

Pinne: nr 6

Størrelse: ca 36-38

Garnforbruk: 267g

Fly with me vest

Det blei i somar ein del Paelas-strikk, men det er ikkje alt som har kome seg på bloggen. Og her er nok eit Paelas-plagg som blei strikka i somar, men som har brukt litt tid på å kome på bloggen. Nemlig Fly with me vest. Eg forelska meg heilt i desse "vingene". Dei er også å finne på sommardrakten til Paelas, som eg også har strikka. 

Elsk på desse vingene!

Eg var før somaren på fabrikkutslaget til Sandnesgarn og kjøpte inn ein heil del garn. Blant desse garnøsta, dukka det opp to nøster i Alpakka i ein nydelig rustfarge. Eg syns fargen passa perfekt til dette prosjektet. Og slik blei det! 

 Kantene ruller seg litt, så den burde nok ha vore dampa. Ellers går det også an å strikke snorer til for å "binde" den saman, men eg syns den er fin utan.

Mønster: Fly with me vest frå Paelas.no
Garn: Alpakka frå Sandnesgarn
Pinne: nr. 4
Størrelse: 1-2 år
Garnmengde: 54g

Eg laga vingene større enn oppskrifta for å få meir effekt. Dette gjorde eg ved å ta opp like mange masker som størrelsen over skulle ha på pinne nr. 3,5. Så strikka eg fyrst ei ny maske i kvar maske, så ein omgang i anna kvar masker. Videre gjorde eg 6 vendinger i kvar side og fellte til slutt av frå vranga. 

Romper og romperjakke frå Gustav og Berta

Det var rett før eg gløymde ut å blogge om dette fine settet! Det måtte vente litt etter eg var ferdig med det i somar, slik at eg kunne halde det hemmelig for mottakaren, men så holdt det på å gå heilt i gløymeboka!

Settet er frå boka "Strikk til smårollingen" til jentene bak bloggen "Gustav og Berta". Eg har strikka romperen før (du kan lese innlegget her) i eit ull/bomull garn, men denne gong fall valget på alpakka. Nærmare sagt Alpakka Baby Silk frå Drops, i ein nydelig mintfarge.

Settet bestod av romper, jakke og lue

Eg strikka settet i størrelse 9-12 mnd, men ettersom eg strikka med tynnare garn enn oppskrifta satsa eg på at den ville ende opp på ca 3-6 mnd. Det trur eg også at det blei sånt ca. 

Mønster: Romperjakke frå Strikk til smårollinger
Garn: Alpakka Baby Silk frå Drops
Pinne: nr. 3,5
Størrelse: 9-12 (virkelig 3-6)
Garnmengde: 78g

Mønster: Romper frå Strikk til smårollinger
Garn: Alpakka Baby Silk frå Drops
Pinne: nr. 3 og 3,5
Størrelse: 9-12 mnd (virkelig 3-6)
Garnmengde: 57g

Mønster: Kyselue frå Strikk til smårollinger
Garn: Alpakka Baby Silk frå Drops
Pinne: nr. 3
Størrelse: 9-12 mnd
Garnmengde: 20g

Garnshopping i Washington DC

I november klarte eg å skvise inn ei ferieveke, og fekk ein litt sein haustferie. Saman med ei god venninne reiste vi på shoppingtur til Washington DC og NY. Klart måtte eg på garnbutikk! I NY har eg vore på garnsafari før (du kan lese om det her), så fokuset var denne gong på Washington. Eg hadde sett meg ut ein garnbutikk av den enkle grunn at dei solgte garnet til Quince & Co. Dette garnet har sverma rundt på instagram, og eg måtte berre få kjøpt litt av dette. Dei har aldeles nydelige farger, og garnet kjenner veldig godt ut! 

Garnbutikken eg fann som hadde dette garnet heiter Looped Yarn Works. Og for ein koselig butikk! Den var å finne på 1732 Connecticut Ave i 2. etasje. Du ser den frå utsida, og det stod også ute skilt. 

Det kan vera verdt å merke seg at dei held stengt på mandagar, men åpent på søndagar.

Heile denne hylla var garn frå Quince & Co! Dei hadde fleire kvaliteter og eg var godt fornøgd! Det var ikke alle fargane eg hadde sett meg ut dei hadde, men eg fant mange fine fargar likevel! 

Sidan dei har så mange fine fargar og nyansar enn dei garnprodusentene eg vanligvis kjøper garn frå, prøvde eg denne gong å velge litt fargar som var litt "ulikt" meg. Og det syns eg at eg klarte bra! Eg har nylig innsett at gult er ein undervurdert farge, spesielt til baby. Derfor kjøpar eg alltid gult når eg finn ein fin farge. Forhåpentligvis blir det mykje gult framover. Kjenner eg gler meg veldig til å prøve ut garnet!

 

Garnkvalitetane eg kjøpte meg var; Tern, Finch og Chickadee. 

Eg kjøpte så mykje at eg fekk med gratis tøypose...

Fargane kjem ikkje heilt riktig fram på bilete, men fine er dei!

Det blei litt garn kan du sei...

Her er litt meit detaljert info om garnet. Fargane blir remset opp frå venstre:

Tern: 1. Backbay 2. Prout's Neck 3. Buoy 4. Terra Cotta 5. Dusk

Finch: 1. Sorbet 2. Bird's Egg

Chickadee: 1. Bird's Egg 2. Belize 3. Egret 4. Goldfinch 5. Lichen

Kofferten blei full etter dette besøket, så det blei ikkje fleire garnbutikkar denne gong...