Nusselege selbuvotter til baby

Strikka for ei stund tilbake selbuvotter til baby. Eg synast dei er så utruleg søte, og dei er også enkle og superkjappe å strikke. Mønsteret fann eg på internett, så tenkte at eg skulle legge det ut her for dei som måtte ønska å strikke desse :)

Mønster: Selbuvott til baby
Garn: Babyull (eit garn er meir enn nok)
Pinne: nr.2,5
Størrelse: 6-9 mnd

Du startar med å legge opp 44 masker, for så å strikke ein rett og ein vrang. Det blir finast om ein strikkar den rette vridd. Strikk til du har 5-7 cm med vrangbord. Etter vrangborda skal ein starta på mønsteret, eg valte å strikke ein omgang rett i grunnfargen før eg starta på mønsteret for å få litt luft mellom. Strikk vidare på mønsteret og fell som vist i diagrammet. Etter at votten er ferdig felt, er det berre til å dra tråden gjennom maskene og stramme til før ein festar tråden.

Mønster pluss teikn-forklaring:

X	Strikk i mønsterfargen
o	Strikk i grunnfargen
/	Strikk to saman i mønsterfargen
\	Ta ein laust av,  strikk den neste maska i mønsterfargen, dra den fyrste maska over den maska du nettopp strikka.

Eg strikka også snor til vottane. Oppskrifta på desse snorene fann eg i boka "myk start" og er verdens enklaste snor å strikke! Du legg berre opp 3 masker, strikker rett, drar tråden rundt maskene for så å strikke rett igjen, slik at du heile tida strikker same veg (dvs. at du heile tida har strikkepinnane i ro, du skal ikkje snu strikketyet) . Ved å dra tråden rundt maskene vil det danne seg en rund og fin snor. Du strikkar berre denne så lang du vil ha den og feller av. Denne snora passar ypparlig til litt av kvart, eg har til dømes brukt denne som snor på baby-lue :)

Håper dette kommer til nytte for nokon av dykk :)