Oppskrift på pc-veske i mariusmønster :)

Det er ein del som har etterspurt dette mønsteret, og ettersom eg har "dikta" det opp sjølv går det vel greit å publisere det her :) Mønsteret er laga til macbook pro og den er ca 13", denne er nokså tynn, så har du ein større pc bør du kanskje legge opp litt fleire masker.

Men dette mønsterert er til privat bruk og ikkje for videresalg o.l.! 

Det går som følger:

Trekket strikkes frå toppen og ned, dvs. at ein startar med det som hos meg er rosa.

Eg har benytta Mor Aase garn, men du kan egentleg bruke kva garn du vil, f.eks Rubin, Østlandsgarn, Safir osv. vil funke bra. For at denne oppskrifta skal stemme bør det vera ein strikkefasthet på ca 23m. Det går under eit nøste av den kvite og rosa, og i underkant av 2 nøster i grått om eg ikkje huskar feil :)  

1. Start med å legge opp 162 masker på rundpinne 3,5 med den fargen du vil ha der eg har brukt rosa, i orginalfargar er denne raud. Pass på å ikkje strikke for stramt, då kan veska fort bli for liten :P
2. Strikk videre etter mønsteret, fra toppen og ned. Sjølve mønsteret (18 masker fra høyre side på mønsterteikningen) skal gjentas 9 ganger rundt. 
3. Strikk  videre på mønsteret til du er ferdig med den nederste borden. Videre strikkes det i bunnfargen (hos meg grått, i orginalen blått) til den er lang nok til din pc (rundt 15 omganger). Mål på pc-en din. 
4. Når arbeidet er langt nok skal du maske saman maskene, også kalla kitchener stitch, derfor skal du IKKJE felle av. Om du ikkje veit korleis dette gjerast kan du sjå ein demonstrasjon på denne videoen. Denne metoden lar deg sy saman maskene som om du hadde strikka dei. 

   

   Slik ser bunnen ut når du maskar han saman :)

   
   
5. Nå er du ferdig med sjølve veska. 
6. Neste steg er å lage foret inni pc-veska. Då er det berre å måle opp på pc'en, og klippe deretter. Sy saman til ein firkanta pose med glidelås på toppen. 
7. Når denne er ferig puttar du den inni den strikka pc-veska og nøstar dei saman på toppen. 
   
   Nøst saman veska og foret.
   
   Slik ser mi ut oppi
   
   

Det er smart å la glidelåsen på eine sida gå lengre ut enn sjølve veska, det gjer det lattera å få pc'en oppi :) Eg laga då ein liten firkant på tuppen slik at det skulle sjå betre ut :) 

Mariusmønsteret finn du her.
Mønsterbilete er henta frå denne sida

Viss det er noko som er uklart er det berre å spør :)

Det er fint om dykk linkar til min blogg om dykk benyttar dykk av mønsteret og legg ut bilete osv, på bloggen dykkar :)