Fletteshorts

Det finnes også ein shorts-versjon av fletteromperen eg tidlegare har blogga om. Den strikkes i utgangspunktet heilt likt, men er kortare og utan selar. Eg hadde eit einsleg gult garn liggande i merino extra fine, noko som skulle vise seg å vera akkurat nok til ein liten søt bleietruse. Nokon vil kanskje sei at det er litt overkill med både to ulike fletter OG perlestrikk, men eg syns mønsteret er kjempefint!

Framsida

Baksida

Mønster: Fletteshorts
Nettside: Tiddelibom.no
Garn: Merino Extra Fine frå Drops
Pinne: nr. 3 og 3,5
Størrelse: nyfødt
Garnforbruk: 46g

Romper, jakke og lue

For lenge sidan strikka eg "posebukse uten ben" i miniversjon (innlegget finn du her) som berre blei supersøt! Det er noko når plagga blir så små, at dei berre blir ufattelig søte. Etter å ha rota litt rundt i garnlageret mitt fann eg ut at eg hadde fleire nøster igjen i den mørke grå fargen eg hadde strikka romperen i. Derfor fann eg ut at eg ville lage eit sett, for det er alltid kjekkast! Valg av jakke fall på oppskrifta i Strikk til smårollinger som er ein del av "Sparekbuksesettet". Jakka er veldig enkel, kun i glattstrikk, men unntak av armane kor det er "nupper" som gir ein fin effekt. Det skal ikkje alltid så mykje til!

Posebukse uten ben - i miniformat

Mønster: Jakke frå settet "sparkebuksesett"
Bok: Strikk til smårollinger
Garn: Baby Merino frå  Drops
Pinne: nr. 2,5
Størrelse: 0-3 mnd
Garnforbruk: 90g

Sjølvsagt blei det ei lita Clover Earflap hat til, men passar jo til alt!

Mønster: Clover Earflap Hat
Garn: Baby Merino frå Drops
Pinne: nr. 2,5
Størrelse: 0-3 mnd
Garnmengde: Godt under et nøste (strikket av rester)

Heile settet samla

Settet blei veldig fint saman, akkurat slik som eg hadde sett for meg! I tillegg fant eg noko rester av babyull i kvitt som eg strikka krage av for prikken over i'en. 

Mønster: Krage fra Dale Garn
Hefte: Nr 310 Baby Hentesett
Garn: Babyull
Størrelse: 3 mnd
Pinne: 2,5
Garnforbruk: ca 10g (liten rest)

Jakke og krage

Jakke, romper og lue

Romper og lue

Eit nydelig lite sett til ein liten ein! 

Dette setter har ikkje fått ein eigar enda, og ligg derfor i gavekurven. Men når ein er så søt skal det vel ikkje bli vanskelig å bli kvitt! I tillegg syns eg at den mørkegrå fargen er like fin til gutt som til jente. 

Olas shorts

@knitsandpieces har den siste tida kome ut med nokre flere oppskrifter. Eg bestemte meg for å prøve den som heiter "Olas shorts". Tilfeldigvis hadde eg passande garn i garnsamlinga mi, så her var det berre å sette i gong. Buksa blir strikka i eit stykke, noko som vil sei minimalt med montering. Effekten med lommane på framsida er ein morosam effekt og blir laga enkelt ved å strikke nokre ekstra knappehull.  

Som du ser av bilete har denne vore ferdig ei stund....

Oppskrifta og andre oppskrifter frå Knitsandpieces kan du finne på ravelry. 

Framsida

Baksida

Mønster: Olas shorts
Garn: Merino Extra Fine
Størrelse: 6 mnd
Pinne: nr. 3,5 og 4
Garnforbruk: 71g

Fletteromper

Eg har vel aldri vore vond å be når eg kjem over eit nytt rompermønster. Eg har vel ein aldri så liten romper-addiction... Og når det i tillegg kombineres med fletter og perlestrikk? Då er eg solgt! Romperen er frå Tiddelibom.no og den er både søt og enkel å lage. Eg har ved ein tidligare anledning teststrikka for denne sida, men då var det ein bleietruse. Du kan sjå innlegget her.

 Romperen blir strikka frå toppen og ned, og er veldig enkel i formen, den blir derfor strikka uten økningar/fellinger heilt til du kjem til beina. Det betyr også lite montering.

Lue og Romper blei gitt i barselgåve

Baksida

 Ettersom det var meir garn igjen etter romperen blei det også til ei lue i perlestrikk som matchar romperen. Som tidlegare har eg benytta oppskrifta "Enkel Babylue" frå Nøstebarn. Den funkar til alt!

Mønster: Enkel babylue
Bok: Strikk til nøstebarn
Garn: Extra Fine Merino frå Pickles
Pinne: nr. 3
Størrelse: 0-3 mnd men med tjukkere garn tilsvarer den ca 6 mnd
Garnforbruk: mindre enn eit nøste

Mønster: Fletteromper
Nettside: Tiddelibom.no
Garn: Extra Fine Merino frå Pickles
Pinne: nr. 3 og 3,5
Størrelse: 6 mnd
Garnforbruk: 56g

Kjappstrikka drakt

Ein kjappstrikka drakt som ikkje var så kjappstrikka...men det var min eigen feil. Av ein elller anna merkelig grunn brukte eg laaaang tid på denne, sjøl om det kan strikkast raskt som berre det! For den strikkast med forholdsvis tjukt garn og pinnar. Men den blei ferdig, og det er vel det viktigaste. Eg strikka den i Merino Extra Fine fra Drops, ettersom det skulle vera eit tøyelig garn, og eg hadde dette liggande. Originalt er det brukt Merinoull frå Sandnesgarn, men det frå Drops har same strikkefastheit og er like fleksibelt. Oppskrifta er frå Paelas.com.

Eg brukte ei stund på å finne rette knappar til denne drakten, for eg fann ingen eg likte i samlinga mi. Og eg syns eigentlig ikkje nokon knappar eg fant passa til. Det endte med at eg kjøpte knappar når eg var på tur til Bergen. Dyre var dei, men fint blei det!(syns eg i alle fall, sjøl om knappane kosta meir enn garnet!).

I det siste har eg prøvd å lage sett når eg lagar noko, og ikkje kun eit plagg. Derfor laga eg også ei lue til denne romperen. Valet fall på turbanlua til Pickles. Eg har strikka denne ein gong før i ein mindre størrelse, og syns den er kjempesøt!

Kjappstrikka drakt & turbanlue

Drakten strikkes i eit stykke kor den blir festa kun med knappane i sidene og på selane. Med andre ord, null montering. Meget praktisk for ein person som meg som hatar å montere!

Baksida

Mønster: Turbanlue
Nettside: Pickles.no
Garn: Merino Extra Fine frå Drops
Pinne: nr. 4
Størrelse: 6-12 mnd
Garnforbruk: 35g

Mønster: Kjappstrikka drakt
Nettside: Paelas.com
Garn: Merino Extra Fine
Pinne: nr. 4
Størrelse: 6-12 mnd
Garnforbruk: 92g

Dansekjolen

Har du sett noko meir yndig? Dansekjolen verkar å vera ein storfavoritt på Instagram for tida! Det er veldig lett å forstå, så fint mønster som det er! Nok eit prakteksemplar av ei oppskrift frå Ministrikk.no og Charlott Pettersen. 

I mine auger har denne kjolen så uendelig månge bruksområder; fest, kvardags, 17.mai, bryllup osv. osv! Akkurat passelige pynta, som passer til det meste. 

Bølgekanten lager heile kjolen! Så enkelt og fint!

Mønster: Dansekjolen frå Ministrikk.no
Garn: Baby Merino frå Drops
Pinne: nr. 3
Størrelse: 3-4 år
Garnforbruk: 225g

Mariusgenser med lue

Innimellom må ein strikke litt tradisjonsstrikk også! Nå er det veldig lenge sidan eg har strikka marius! Det er jo veldig norsk, og veldig søtt på små barn. Denne gongen blei det genser og lue i str. 2 år.

Mønster: Mariuslue med øreklaffer
Garn: Lanett Babyull
Pinne: nr. 2 og 2,5
Størrelse: 2-4 år

Mønster: Mariusgenser med rundt bærestykke
Garn: Lanett Babyull
Pinne: nr. 2 og 2,5
Størrelse: 2år
Garnforbruk: 225g mørk blå, 35g kvitt, 10g rød
(garnforbruk er genser + lue totalt)

Ballongbukse i alpakka

Ballongbukse, for fjerde gong! Den fyrste blei laga og rekka opp, så strikka igjen (i miniduett). Nummer to blei laga i barselgåve til ein liten gut (i bayull), og nummer tre blei laga til ei søt lita jente (i babyull). Den fjerde buksa blei strikka i alpakka og er foreløpig uten eigar. 

På samtlige av dei fire ballongbuksene har eg laga fletter i staden for å strikke den slik oppskrifta seier, og eg blir like fornøgd kvar gong. Fletter blir aldri feil! 

Garnvalget denn gong havna på Royal Alpakka frå Dalegarn. Det var faktisk to nøster som blei kjøpt på opphørsalg i 2011. Godt garn ikkje går ut på dato... Eg syns buksa blei ekstra fin i alpakka av ein eller anna grunn, den blei liksom ikkje så "stiv" som babyull kan bli. Den heng liksom litt meir, noko eg likte godt. 

Mønster: Ballon bukse
Garn: Royal Alpakka frå Dalegarn
Pinne: nr. 3
Størrelse: 0-6 mnd
Garnfobruk: 85g

Popcorn drakt

Mønsteret på popcorn drakten har eg hatt liggande lenge, men fyst nå fekk eg rota meg til å prøve den. Eg trong ein ettårsgåve  og valet fall på den! Garnvalet fall på Cotton Merino frå Drops i syrin, ettersom eg hadde nokre nøtter liggande.

Baksida

Eg laga ein liten eigen vri på baksida der eg festa selane. Eg syns ikkje løsningen i oppskrifta var særleg praktisk, så eg laga heller hol i sjølve selen, og sydde i knapp på buksekanten.

Mønster: Pocorndrakt fra Paelas
Garn: Cotton merino fra Drops
Pinne: nr. 3 og 3,5
Størrelse: 1-2 år
Garnforbruk: rett over 2 nøster

Vintage romper med egen vri

Rundt juletider starta eg på ei gammaldags romperoppskrift, frå eit gamalt hefte. Det var ikkje eit skikkelig bilete av den, så eg visste ikkje heilt korleis den ville sjå ut. Eg kom ca så langt:

...når eg innsåg at oppskrifta var på ei bleiebukse, og ikkje ein romper... 

Så eg gjekk i tenkeboksen for å finne ei løysning på problemet, for eg ville ha ein romper, og ikkje bleiebukse. Eg innsåg at eg hadde ei lignende romperoppskrift liggande, som ville passe, og brukte denne som utgangspunkt for å fullføre prosjektet mitt. Og det funka! Eg blei fornøgd med resultatet :)

Framsida

Baksida

Bladmønster

• 
• Mønster: Bleiebukse fra Mamsell med egen vri
• Garn: babyull fra Gjesdal
• Pinne: nr. 3
• Størrelse: 3-6 mnd
• Garnforbruk: 76 g