Tilbehør

Eit kvart antrekk treng litt tilbehør. I løpet av denne hausten har eg funne ulike oppskrifter som eg lika veldig godt, og tilbehøret passer så fint til mange ulike sett! Både lue, votter og skjerf/halstørkle har blitt strikka.

Fyste mann ut er lua. Dette er ei utrulig søt lue frå Tiddelibom, blomsterlua. Det er benytta ein ny teknikk (for meg) for å strikke "blomane", og eg måtte klø meg litt i hovudet for å forstå beskrivelsen, men når eg først forstod den var det nokså enkelt.

Mønster: Blomsterlua
Nettside: tiddelibom.no
Garn: Merinoull frå Sandnesgarn
Pinne: nr. 3 og 3,5
Størrelse: 0-3 mnd
Garnforbruk: 30g

Blomsterdetaljer

 Neste mann ut er også frå Tiddelibom.no, og er huttemegtu vottene. Dei er utrolig søte, og går veldig raskt å strikke. Ettersom det ikkje går så mykje garn, er dette perfekt restegarnstrikk. Også her var det ein "ny" metode, men denne har eg strikka før, så det gjekk fort å forstå oppskrifta. Vottane skal egentlig strikkast på pinne 3 og 3,5, men eg strikka heile votten på 3,5, syns vrangborden blei litt stram på pinne 3.

Mønster: Huttemegtu votter
Nettside: tiddelibom.no
Garn: Merino Extra fine frå Drops
Pinne: nr. 3,5
Størrelse: 0-6 mnd
Garnforbruk: 156

Detaljer frå mønsteret

 Siste mann ut er et halstørkle frå Klompelompe. Eg ahdde eit nøste til overs frå eit tidlegare prosjekt, og dette virka som den perfekte oppskrifta for å kvitte seg med det.

Mønster: Perlestrikket halstørkle
Hefte: Babystrikk av Klompelompe
Garn: Tynn merinoull
Farge: Klompelompe 4042
Pinne: nr. 3
Størrelse: Nyfødt
Garnforbruk: 25g

Baksida

Tilbehør; Lue, Votter, Halstørkle og Sko

Margotbuksa

Margotbuksa frå Ministrikk.no har gått som ein farsott på Instagram denne hausten. Eg kjøpte mønsteret for lenge sidan, men har ikkje fått rota meg til å strikke den, før nå! Den var nokså rask å strikke, heldigvis, og eg syns resultatet blei søtt. Det er imidlertid ein nokså tettsittande modell, så eg er spent på å sjå den på ein liten krabat.

Margotbuksa og sko frå Ministrikk.no

Mønster: Margotbuksa
Nettside: ministrikk.no
Garn: Tynn Merino frå Sandnesgarn
Farge: Klompelompe 6521
Pinner: nr. 3
Størrelse: 0-6 mnd
Garnforbruk: 81g

Baksida

Margotbuksa og jakka frå hentesettet, begge frå Ministrikk

Margotbuksa og rillejakka

"Clara" romper

I mangel på annet navn (sandnesgarn kallar den berre "Romper"), kallar eg berre denne romperen for Clara-romperen. Uansett navn, mønsteret er så fint! Eg har strikka denne både i kjoleform, topp og romper før, og nå var det nok ein romper som blei laga. Samtlige av dei tidlegare plagga har blitt gitt vekk, men denne skal eg for ein gongs skyld beholde sjølv.

Romperen har eg strikka i lys blå og trur denne vil bli eit fint somarplagg!

Mønster: "Romper" mønster nr. 7
Hefte: Søte små i babyull 1515 (sandnesgarn)
Garn: Baby Merino
Pinne: nr. 2,5 og 3
Størrelse: 6 mnd
Garnforbruk: 95g

Detaljer

Baksida

Legg til bildetekst

Snorkedressen

Snorkedressen frå Pickles.no er utrolig søt. Eg har sitt fleire variantar på Instagram, og det tok litt tid å bestemme seg for fargar. Men eg fall til slutt for ein versjon som var blitt strikka i lys grå, lys rosa, mørk rosa og gråblå. Garnet blei kjupt hos Pickles

Mønster: Snorkedressen
Nettside: Pickles.no
Garn: Extra Fine Merino
Pinne: nr. 5,5
Størrelse: 0-4 mnd
Garnforbruk: 284 g total. I underkant av 5 nøster hovedfarge,
og resten kontrastfarge.

 Fargane eg brukte var: Hovedfarge (lys grå) platina (1120), kontrastfarge mørk gammelrosa (også brukt på armer og bein) polaroria (25), kontrastfarge lys rosa; jordbæris (26) og gråblå "den lyseblå time" (110). 

Godt fornøyd med fargesamansetningen

Baksida

Av restene blei det også strikka ei Pixielue frå Paelas. Denne har eg forminska litt for å få den i same størrelse som dressen. Dette gjorde eg emkelt med å berre legge opp litt færre masker.

Mønster: Pixie lue
Bok: Barnestrikk fra Paelas
Garn: Extra fine merino
Pinne: nr. 4
Størrelse: ca 0-3 mnd
Garnforbruk: 34g

Samla sett

Kalinkaromper, kalinkaromper, kalinkaromper!

Er det eit plagg eg har strikka møkje, så er det kalinkaromperen. Eg trur faktisk ikkje at det er ei oppskrift som eg har strikka SÅ mange gonger enn denne. Men med god grunn, den er jo sukkersøt!

Denne gongen blei den strikka i anledning babyshower, og i den anledning fann eg fram alle kalinkaromapane eg hadde liggande og tok eit gruppebilete!

Mønster: Kalinkaromperen
Nettside: Ministrikk.no
Garn: Merino Extra Fine
Pinne: nr. 3,5 og 4
Størrelse:3-6 mnd
Garnforbruk: ca 85g

Frå venstre; Kit strikka i Lille Lerke, grå og rosa strikka i Merino Extra fine,
og den sjøgrønne i Lark frå Quince&Co

Dei 5 frå venstre er Kalinkaromperen, den blå Fletteromper og den lilla hullmønstret romper

Kalinkaromper med egen vri i midten

Romper, romper, romper! 

Går aldri lei! 

Little Edith's Romper

Har du vore å sett på nettsida Little Edith's Knit? Dama bak nettsida lagar dei søtaste romparane, og favoritten er uten tvil Little Edith's Romper. Eg har strikka denne ein gong før også (sjå innlegget her).

Fargevalet havna denne gong på den fine lys grå-blå-grønne fargen frå Drops, ein farge eg syns er utrolig fin. Det gjekk akkurat å strikke den på kun eit nøste!

Mønster: Little Edith's Romper
Nettside: littleedithsknit.com
Garn: Babymerino frå Drops
Pinne: nr. 3 og 3,5
Størrelse: 0-3 mnd
Garnforbuk: 48g

God match saman med rillejakka frå forrige innlegg. 

Rillejakke og Edith's Romper møter høst

Kva med søte små tøfler til? 

Og ei kvit strømpebukse frå ministrikk.no kanskje? 

Hvit rillejakke

Kan ein få for månge kvite jakker? Eg syns det er utrolig fint og yndig med kvit til dei aller minste. Noko som er godt synlig i ferdigstrikk-kurven min. Derfor er det kanskje ikkje så overraskande at det også måtte bli ei kvit lita rillejakke frå "Babystrik på pinde 3", med flette. Yndig blei den. Eg har lært etter den forrige rillejakka eg har strikka, difor blei det størrelse 0-3 mnd denne gongen, mykje meir overkommelig enn str. 1 år!

Mønster: Rillejakke med snoning
Hefte: Babystrik på pinde 3
Garn: Babymerino frå Drops
Pinne: nr. 2,5 og 3
Størrelse: 0-3 mnd
Garnforbruk: 100g 

Jakka blei strikka bittelitt kortare enn oppskrifta, slik at det akkurat gjekk to nøster. 

I høstlige omgivelser

Rillejakke

Rillejakke, i str alt for stor for pinne nr.3!

Som eg har nevnt tidlegare var eg ute å reiste jorda rundt høsten 2015, ja, eg er faktisk så treig med blogginga at eg framleis har noko eg strikka då som eg ikkje har lagt ut! Dei siste nøsta eg hadde i sekken var nokre møster med Baby Alpakka Silk som eg hadde planlagt til ei rillejakke. Eg fann då ut at eg skulle strikke denne i størrelse 1 år. Det var ikkje noko spesiel grunn til dette, då den ikkje var tiltenkt nokon spesiell, men slik blei det nå. Når jakka strikkast i riller, på pinne 3, ja då angrar du fort på størrelse 1 år! Det var ei lokka at det var dei siste nøsta eg hadde i sekken, for ellers hadde den aldri blitt ferdig! Men skulle eg strikke, så var det kun den eg kunne strikke på. Så denne jakka blei ferdig i løpet av dei siste dagane i Thailand før me vendte nasen mot Norge igjen. Så ferdig blei den!

Rillejakke

Av restegarnet fekk eg også laga ei lue: 

Rillejakke og lettstrikka lue

Rillejakke og lettstrikka lue

Rillejakke og lettstrikka lue

Mønster: Rillejakke med snoninger
Hefte: Babystrik på pinde 3
Garn: Baby Alpakka Silk
Pinne: nr. 2,5 og 3
Størrelse: 1 år
Garnforbruk: 138g

Lua som blei strikka til er inspirert av den britiske kongefamilien. Eg strikka nøstebarn si lettstrikka lue med "snoninger" i sidene. Passa godt til jakka syns eg. 

Mønster: Lettstrikka lue med egen vri
Bok:  Strikk til nøstebarn
Garn: Baby Alpakka Silk
Pinne: nr. 2,5 og 3
Størrelse: 1 år
Garnforbruk: 27g

Hullmønstret romper

Romper har blitt mitt signaturplagg  når det kjem til barselgåver. I 9 av 10 tilfeler vil eg gi bort ein romper. Årsaken er enkel; de går fort å strikke og er utrolig søte på. Så derfor var det nok ingen stor overrasking av det blei ein romper nok ein gong. Denne gongen fall valget på Tiddelibom sin hullmønstret romper. I same slengen fekk eg også slanka garnlageret mitt med nokre få nøster.

Mønster: Hullmønstret romper
Nettside: tiddelibom.no
Garn: Merino Extra Fine
Pinne: nr. 3 og 3,5
Størrelse: 6 mnd
Garnforbruk: 86g

I gåveeska mi fann eg også ei turbanlue som var strikka i same farge som eg gav saman med romperen:

Turbanlue og romper

Favoritter

Samling av nokon av mine favoritter!

Hentesette frå ministrikk.no har lenge vore ein favoritt hos meg. Mønsteret er så enkelt, men likevel så vakkert! For ei stund sida strikka eg også strømpebuksa frå knittingforolive.dk. Det viste seg at desse to plagga var som skap for kvarandre. Dei passar så utrulig godt i lag. Derfor endte eg med å strikke to sett, både eit i kvitt og eit i grått. I ulik størrelse så klart.  

Den fyrste jakka frå hentesettet strikka eg i 2014! Den har i ettertid fått ein del meir tilbehør, blant anna strømpebuksa. Les om jakka her.

Utrulig fin med strømpebukse til!

 Og så det gråe settet ut:

Her har det også lurt seg inn ei kulekyse

Settet blei ferdig ein fin somarsdag

Og så begge sette saman: 

Kvitt og grått saman, i str. mini og litt større

Info om dei ulike plagga:

Mønster: Jakka i "Hentesettet"
Nettside: ministrikk.no
Garn: Baby merino
Pinne: nr. 3,5
Størrelse: 3-6 mnd
Garnforbruk: 96 g

Mønster: Jakka i "Hentesettet"
Nettside: ministrikk.no
Garn: Baby merino
Pinne: nr. 3,5
Størrelse: 0-3 mnd
Garnforbruk: 90 g

Mønster: Olives strømpebukse
Nettside: knittingforolive.dk
Garn: Baby Mernio
Pinne: nr. 3
Størrelse: 3-6 mnd
Garnforbruk: 86g

Mønster: Olives strømpebukse
Nettside: knittingforolive.dk
Garn: Baby Mernio
Pinne: nr. 3
Størrelse: 0-3 mnd
Garnforbruk: 75g

 Kulekysa var så fin til, at eg trur eg må strikke ei til det kvite settet også!

Mønster: Kulekyse
Nettside: Ministrikk.no
Garn: Baby merino
Pinne: nr. 2,5 og 3
Størrelse: 3-6 mnd
Garnforbruk: 33g