Bloomsbury med tilbehør

Til 1-års dagen til ei lita søt jente strikka eg eit sett beståande av ein bloomsbury-genser, foldeskjørt og clover earflap hat. Settet blei veldig søtt, og samtlige av oppskriftene har blitt favorittar hos meg den siste tida.

Søtt jentete sett!

Bloomsbury genseren har eg lenge tenkt å strikke, men har aldri funne ein passande anledning. Når mammaen sa at ein genser kunne vore fint til lillejenta, då såg eg mitt snitt til å prøve meg på denne. Den er veldig gøy å strikke, og ettersom det er mønster heile vegen føler du heile vegen framgang. Det hjelper også på at den strikkast med litt tjukt garn på pinne 5 og 5,5, då går det unna! Mønsteret kan kjøpast på Ravelry, sjå link under bilete.

Mønster: Bloomsbuy
Størrelse: 18 mnd
Pinne: nr. 5,5 (og 5)
Garn: Nepal frå Drops
Garnforbruk: 185g

Baksida på genseren er bare nydelig!

Som tilbehør valgte eg å strikke foldeskjørtet frå Strikk til smårollinger, rett og sett fordi det er supersøtt! Syns også det passa fin til. Dette skjørtet har eg strikka før her.

Ettersom eg nå har fått meg "knitting mill" så er det ikkje noko stress lengre å lage snorer. Eg laga difor likesågodt 2 stk, i ulik farge:

Mønster: Foldeskjørt frå Strikk til smårollinger
Størrelse: 1-2 år
Pinnestørrelse: nr. 3
Garn: Merino Extra Fine frå Drops
Garnforbruk: 69g

Eg toppa sette med ei av mine favorittluer for tida; Clover Earflap Hat. Eg veit nesten ikkje kva for nummer dette er av denne type lua, det har blitt mange i det siste!

Lue og genser

Mønster: Clover Earflap Hat
Størrelse: 1-2 år
Pinne: nr. 2,5
Garn: Baby Merino frå Drops
Garnforbruk: 40g

Komboen av strikkeplagg likte eg så godt at eg er i gong med eit nytt! 

Ny bok fra Pickles!

Eg syns Pickles-jentene er veldig flinke til å gjere stas på kundene sin, og finne på morosame påfunn! I anledning ny bok, lagde dei i stand ein boklanseringsfest. Sjølvsagt måtte eg gå på den!

Eg og nokre venninner møtte derfor opp, og vi var ikkje åleine, det var mange som hadde møtt opp. Så mange, at vi måtte stå i kø utanfor og det attpåtil i regnvær. Men det gjorde ikkje så mykje når dei søte pickles-jentene kom rundt og serverte sprudlene vin og godis til oss som stod ute i kø!

Boblevin, goodiebag og ny bok! 

Med meg heim fekk eg både den nye boka, og ein goodiebag. Pickles lager alltid supre goodibags, og denne gong var intet unntak!

Goodiebagen inneholdt; garn, pose til strikketøyet, måleband og knappar

Eg tenkte også at eg skulle gi dykk ein smakebit fra boka og mine favoritter! Som dei skriv i boka, så er dette en temabok, det vil sei at dei aller fleste kleda er i same "sjanger". Det er ein del oppskrifter som er  kva eg vil kalle "cowboy og indianer" inspirert. Men det er også ein del "vanlige" oppskrifter også. Her er dei eg likte best:

Saloon-kjole

Fjøsdress

Søndagssett

Ramsalt Bølgeteppe

Fekjole

Svalestupsolliv

Sjøsprøytgenser

Dette er kun ein liten smakebit, for det er heile 60 oppskrifter i boka! 

Bobblelue

Når det går ein instagram-trend, skal ein ikkje så vekk ifrå at eg slenger meg med. Problemet er berre at eg som regel er så treig med å ta bilete at eg får ikkje plagga på bloggen/instagram før trenden har gitt seg litt. Men pytt pytt, betre seint enn aldri! Så her kjem bobblelua mi!

Dette er ei gratisoppskrift som du kan finne her. Eg måtte ty til youtube for å forstå korleis bobblene eigentlig blei strikka, for eg var så usikker på om eg forstod oppskrifta riktig. Etter å ha funne ein video viste det seg at eg hadde trudd rett, men berre verka så merkelig at eg følte at noko var feil! Men bobler blei det til slutt!

Lua er strikka i mintfarge

 Oppskrifta legg opp til at du strikker to stykker som du til slutt syr saman i sidene. Eg gjorde det på denne måten, men om eg skal strikke denne om att vil eg nok strikke den rundt og rundt. Mykje meir praktisk å sleppe å sy saman i sidene.

Frå siden

Mønster: Bobble Texture Hat
Garn: Alpakka frå Drops
Pinne: nr. 2,5
Garnforbruk: ca 38g
Størrelse: One size, vil tippe rundt 1 år

Djevellue i striper

Ei barselgåve laga i full fart! 

Oppskriften er hentet fra Gros blogg, og eg har strikke denne fleire gonger før. Veldig fin og enkel oppskrift, anbefalest!

 Fargekomboen blei ikkje heilt slik som eg hadde tenkt. Inspirasjon til luen og fargekombo fann eg på instagram, men der var det brukt litt meir duse fargar. Eg syns denne blei litt for "skarp" i fargen, men pytt pytt!

Mønster: Djevellue fra Gros Blogg
Garn: Alpakka frå Drops
Pinne: 2,5
Størrelse: 6 mnd

Garnsafari i København

I sommar var eg ein tur i København, og som alltid når eg er på storbytur sjekkar eg korleis det er med strikkebutikkar rundt om (tips knitmap.com). Eg fekk også tips frå brukarar på instagram. Ut ifrå dette fann eg min topp 3 butikkar eg ville besøke.

Første mann ut var Rasmilla. Butikken ligger på Amager, men er berre ein kort tur med t-banen frå sentrum. Eg tok banen frå Kongens Nytorv og gikk av etter 2 stopp. Då er det berre ca 10 min å gå til butikken, som ligger i ei rolig sidegate. Butikken var veldig koselig og hadde mykje fint garn! Og ikkje minst billig. Hadde det ikke vore for at eg hadde et reisefølge å ta hensyn til, kunne eg nok blitt der ein time eller to!

Rasmilla Garn & Strik

Ein fin "liten" pose fikk vera med heim!

Neste stopp var Sommerfuglen som ligger midt i sentrum. Denne fall ikkje like godt i smak hos meg. Dei hadde i grunn eit godt utval med garn, men det var ikkje så mykje garn som eg villa ha strikka med. Men eg fekk likevel med meg eit (veldig dyrt) hespe med garn. 

Sommerfuglen

Nøstet som fekk bli med heim pga den nydelige grønfargen!

Siste stopp rett før vi skulle fra heim var Tusindfryd. Eg hadde sjekka denne ut på nettet og det såg ut som ein veldig koselig butikk med fint garn, så eg gleda meg veldig. Men den gleden skulle vise seg å vera kortvarig, ettersom dei hadde sommerstengt! I ettertid fann eg ein notis om dette på heimesida deira, men dei hadde ikkje endra dette på "åpningstider", så eg fekk meg ein bomtur...Likevel fekk eg tatt nokon snikbileter mens eg var der. Denne skal i besøkast neste gong eg er i København! 

Eg vil sei at Rasmilla var min yndlingsbutikk i København, og hadde berre Tusindfryd vore åpen vil eg tru den hadde vore nr 2!

Hentesettet fra Ministrikk

Verdas finaste hentesettet spør du meg! Charlott Pettersen, dama bak ministrikk.no kan verkelig sakene sine! Eg var solgt frå fyrste stund, og det blir fleire, det kan eg love deg! Dette settet blei til i somarferien, men har tydeligvis gått seg vil på veg til bloggen. Men her kjem det:

Settet består av ei jakke med fletter, som har knappane i ryggen, og ei bleiebukse. Kysa er også frå ministrikk, men er ei separat oppskrift. Alt med settet er berre nydelig!

Eg har strikka settet i baby merino frå Drops, noko dei også har brukt i oppskrifta. Passa fint sidan eg hadde mykje i kvitt i lageret mitt. Litt lagerslanking må til av og til! 

Heile settet

Fletter er og forbli ein storfavoritt!

Bleiebukse med høgt liv

Søtt sett!

Baksida av settet!

Noko av det finaste med dette settet er baksida av jakka, den er berre nydelig! Elskar at knappane er på ryggen! Eg syns også at treknappane gir ein fin effekt. 

Mønster:Jakke frå Hentesettet 
Garn: Baby Merino frå Drops
Pinne: nr. 3,5
Størrelse: 0-3 mnd
Garnforbruk: 90g

Mønster:Bleiebukse frå Hentesettet 
Garn: Baby Merino frå Drops
Pinne: nr. 3,5
Størrelse: 0-3 mnd
Garnforbruk: 44g

Mønster: Kyse frå ministrikk
Garn: Baby Merino frå Drops
Pinne: nr. 3
Størrelse: 0-3 mnd
Garnforbruk: 32g

Verdas finaste hentesett!

Sommerlig Clover Earflap Hat(s)

I somar fekk eg heilt dilla på Clover Earflap Hat, og den eine etter den andre lua blei til. Alle blei strikka i balndingsgarn av ull og bomull. Perfekt somarstrikk! Denne lua er blitt ein storfavoritt å stikke, den er jo både gøy å lage og helt nydelig! Samtlige av luene blei strikke i garn som er noko tjukkare enn oppskrifta seier, slik at eg strikka ein mindre størrelse enn kva eg håpte sluttresultatet skulle bli. Det funka veldig fint! Felles for alle luene var at eg kun hadde eit nøste til disposisjon. 

Lua er, som sagt tidligare i eit anna blogginnlegg, veldig enkel å strikke og veldig godt forlart i oppskrifta. Så sjølv om oppskrifta er på engelsk, bør det fullt vera mulig å strikke sjølv for dei som ikkje er så veldig fan av engelske oppskrifter. 

Update per 23.november:

Eg glemte heilt å fortelle at desse luene, i motsetning til den første lua med denne oppskrifta, blei strikka rundt og rundt. Måten eg gjorde dette på va å legge opp to mindre masker, ei på starten og ei på slutten av omgangen. Du droppar då å strikke første og siste maske i diagrammet, og strikkar kun det resterande av diagrammet. Alternativt kan du legge opp 3 mindre masker og kun strikke dei 12 maskene som skal repeteres, men eg syns det var greit å strikke ei vrang manske fyrst og sist, men det er smak og behag! 

Mønster: Clover Earflap Hat
Pinne: nr. 3

Lue i rosa:
Garn: Ull/bomull av Mor Aase
Størrelse: 0-3 mnd, virkelig størrelse 6mnd+
Garnmengde: 37g

Lue i Orange:
Garn: Lerke frå Dalegarn
Størrelse: 3-6 mnd, virkelig størrelse 6-12 mnd
Garnmengde: 45g
Lue i sjøgrønn:
Garn: Lerke frå Dalegarn
Størrelse: 3-6 mnd, virkelig størrelse 6-12mnd
Garnmengde: 45g

Lue i grå:
Garn: Duo frå Sandnesgarn
Størrelse: 0-3 mnd, virkelig størrelse ca 6 mnd
Garnmengde: 35g

Ps. nå har eg egen facebookside, følg meg gjerne (Strikkexpressen), se knapp til høyre!

Solskinnsdrakt fra Paelas

Det har kome mange nye strikkeoppskrifter i det siste, både på nettet (som f.eks. ministrikk.no og paelas.com) og i bokform (som f.eks. Strikk til mamma og mini og Meir strikk til nøstebarn), noko som kan fryde ein kvar strikkeentusiast! I alle fall meg! Eg har gått til innkjøp av både bøker og oppskrifter, og har både planlagt og satt i gong mange prosjekter. Ein skal i alle fall ikkje ligga på latsida denne hausten.

Ein av dei fyste oppskriftene eg prøvde i somar var Solskinnsdrakten frå Paelas, med andre ord så har den ligge lenge i ferdig-strikk-kurven allereie, og eg fann derfor ut at det var på tide å la den kaste lys over bloggen. Den er urtolig søt og jentete, og eg har fått heilt dilla på dei fine "vingene". Eg kan love det kjem meir slik "vinge-strikk" på blogger etter kvart! 

Garnvalget denne gong fall på Cotton Merino frå Drops (som forøverig kjem på tilbod 16. sept 25% avslag i Merino Mania kampanjen til drops). Eg kjøpte dette garnet sist gong det var tilbod på merinogarn. Dette var fyrste gong eg prøvde det, og eg må sei det innfridde! Eg har blitt meir og meir glad i blandingsgarn (ull/bomull) og Cotton Merino er intet unntak! Blandingsgarn av ull/bomull er både deilig å strikke med, deilig å gå med og kan brukast heile året! Cotton Merino er difor eit godt litt billigare alternativ til f.eks. lerke og duo. Eg kjem i alle fall til å kjøpe meir av det under Merino Mania!

Heile baksida

Mønster: Solskinnsdrakten
Garn: Cotton Merino frå Drops
Pinne: nr. 4
Størrelse: 2 år
Garnforbruk: 73g lilla og 59g grå

Ps. Obeservante lesarar har kanskje lagt merke til at eg har endra design på bloggen. Eg følte det var på tide av ein litt meir "moderne" look. Kva syns dykk?