onsdag 29. juni 2011

"Damevott fra Selbu"



Mønster: "Damevott fra Selbu"
Garn: Sisu frå Sandnesgarn
Pinne: nr. 2,25

mandag 27. juni 2011

Multitasking på høgt nivå!

Eg syns alltid at det er kjedeleg når sokk eller vott nr. 2 skal strikkast. Derfor strikkar eg BEGGE to, på LIKT denna gongen. Eller, eg prøvar iallefall!

Fyste gong dette testast, men so far so good!


Her blir to sokkar til, samstundes!

Om dette testprosjektet mitt går bra, vil det kome eit innlegg om korleis ein gjer dette etter kvart :)

fredag 24. juni 2011

Any day spent sewing, is a good day.

Ein liten skatt eg fann på hytta til besteforeldra til kjærasten min, som eg fekk ta med meg heim! Kjempesøt! :) 

torsdag 23. juni 2011

Pinnetrøbbel!

Krise!



Å strikka med tynne bambuspinnar er ikkje alltid berre berre!

Måtte fint lappe saman denne med teip!

onsdag 22. juni 2011

Korleis felle tå?

I eit tidlegare innlegg viste eg ein metode for å strikke hæl. Men når ein kjem vidare på sokken så vil ein vel kanskje også vete korleis ein feller for tå? Isåfall kjem det ein forklaring her, om du vil eller ikkje! ;) Dette er den måten eg likar best å felle for tå og den er brukt både på uglesokkane og på vaffelsokkane:

Strikk sokken ca 5 cm kortare enn kva du vil ha han. Start så på tåfellinga! Før ein startar å felle er det lurt å sjå til at det er like mange masker på kvar strikkepinne og at det er like mange masker på "framsida" som "baksida" ettersom ein fellar langs sidene på ein måte.

Eg vil nok ein gång benytte uglesokken som eit eksempel, og då kan det vera lurt å merke seg korleis eg har nummerert pinnane. Pinne nr. 1 går frå midten av baksida og til framsida, pinne nr. 2 og 3 er halvparten av maskene på framsida (på same sida som uglemønsteret. og pinne nr. 4 er dei resterande maskene på baksida (under foten). 


Nå skal ein starte fellinga :) 

Pinne 1:
Strikk til det gjenstår 3 masker:



Strikk to masker saman, strikk så den siste maska:



Pinne 2:
Strikk fyrste maska, ta så den neste maska laust av, strikk så ei maske til, og trekk den maska du tok laust av over den du nettopp strikka:




Pinne 3:
Strikk til det er 3 masker igjen, strikk to masker saman og strikk så den siste maska.

Pinne 4:
Strikk fyrste maska. Ta så den neste maska laust av, strikk neste maske, og ta den maska du tok laust av over den maska du nettopp strikka.

Neste omgang strikkar du berre vanlig rett gjennom heile omgangen. 

Fortsett med denne fellinga anna kvar omgang. Dvs. at du strikkar ein omgang rett mellom kvar gång du strikkar ein omgang der du fellar av. 

Gjenta dette til kvar pinne har  ca 5 masker igjen. Dette kjem litt an på kor mange masker du starta med og kor spiss du vil ha tåa. I mitt tillfellet har eg strikka til 5 masker gjenstår.

Ta alle maskene på framsida på ein pinne, og alle maskene på baksida på ein pinne. (i mitt tilfelle 10 masker framme og 10 masker bak)


Du kan nå velge mellom 2 alternativer. Enten kan du benytte kitcheners stitch og sy den saman, eller så kan du benytte ein meir lettvint metode som er min favoritt på sokkar.

Her visar eg min metode:

Vreng heile sokken, slik at du får innsida ut. For å gjere dette kan du enten sette maskene på ein tråd eller på ei sikkerheitsnål og vrenge den, eller så kan du dra litt og litt av sokken gjennom det hullet som framleis er på toppen (det er det eg stort sett gjer)

Då vil det sjå slik ut:


Deretter skal di strikke to og to masker saman. For at dette skal funke må du strikke saman ei maske frå kvar pinne saman. Hold dei parallelt saman, slik som vist på bilete over, og start å strikk saman:



Gjer dette ut heile pinnen. NB: Det er viktig at det er like mange masker på begge pinnane.
Du har nå strikka saman tuppen på sokken! Då er det berre til å felle av og vrenge sokken.




Ferdig strikka saman tupp!




Ferdig fella tå!

Er du usikker på nokon av metodane så er dei fleste vist i dette innlegget. Du kan også gå på Garnstudio sine sider og sjå fleire demonstrasjonsvideoar. 

Håpar dette kan vera til hjelp for nokon strikkeglade sjeler! Og det er som alltid berre til å spørre om det skulle vera noko som er uklart eller noko dykk lurar på :)

Har du forslag eller ynskjer om strikketips og metodar du vil eg skal vise? så legg att ein kommentar da vel! :)

tirsdag 21. juni 2011

I'm a material girl - want to see my fabric collection?


Ein liten smakebit av stoff-samlinga mi :)

Jobbar sakte men sikkert med å utvide ho, noko som ikkje er så lett når det til stadigheit forsvinn litt og litt!

søndag 19. juni 2011

Strikkepinne-etui

Eit nytt strikkepinne-etui har sett dagens lys:



Strikkepinne-etui med plass til 5 sett med strikkepinnar
Dette blei sendt i posten med denne bestillingen.
Mottakaren blei heldigvis kjempefornøgd :)

fredag 17. juni 2011

Raverly.com

Veit at eg har nevnt denne sida før for lenge sidan, men nye lesarar har kanskje ikkje fått det med seg, og det er absolutt ei side å besøke! Raverly.com er ei samleside for strikkeglade mennesker kor du kan finne mønster, inspirasjon og du kan legge ut dine eigne prosjekt (folk kan då kommentere på desse osv). Mange av mønstera er gratis, f.eks. vaffelsokkane eg har strikka. Det var også her eg fann mønsteret til uglesokkane eg har laga, men dette må kjøpast. 

For å kunne benytte denne sida må ein vera medlem, men det er gratis! :D Du kan registrera deg her :) Eg anbefale på det sterkaste at alle strikkeglade som ikkje har gjort det allereie til å opprette seg ein konto her. Dette er ei utruleg fin inspirasjonskilde, og det er mange gånger eg er inne der og surfer etter nye prosjekter.



Ha ei fin strikkehelg! :)

onsdag 15. juni 2011

UFO...!

UFO-lageret mitt startar å bygge seg opp noko veldig for tida. Trur kanskje det har noko med at eg brukte så mykje tid på marius-kofta. Så nå vil eg berre starte på ALT! Helst samtidig... Noko som ikkje er så kjekt for bloggen, då det ikkje er så kult å vise halvferdige produkter og ingenting som er ferdig!

Mine UFOer:


4 stk UFO, håpar dei har tenkt å landa snart! 

Eg har også ein femte UFO, men det er ein bursdagspresang, så eg vil ikkje røpe noko heilt endå :) Det er vel ikkje så mykje meir å gjera nå enn å setta seg ned med strikkeriene og få dei ferdig!

Er det nokon andre som har ein UFO eller to liggande? 

tirsdag 14. juni 2011

Korleis strikke hæl? (metode 1)

Det er ulike måtar å strikke hæl på, tenkte å vise dei to ulike eg kan her på bloggen. I dette innlegget vil eg ta for meg den hælen som er strikka på uglesokkane mine.

Strikk ned til der hælen skal begynne:


Om du fylgjer ei oppskrift står det som regel kor mange masker som skal strikkast i hælen, men viss ikkje så pleier det ofte vera ca halvparten av maskene. Sett dei maskene som skal vera med på hælen på ein eigen pinne. Du skal nå strikke att og fram kun på desse maskene.

Fyrste maske i kvar omgang tar du av laust. Det skal vera glattstrikk, så du strikkar rett bort og vrangt tilbake.
Ta fyste maska laust av



Strikk rett bort

Og vrangt tilbake


Slik fortsett du til du har fått ein slik firkant som dette. Eg har her 26 omgangar.


Sett frå baksida


Du har nå strikka det stykket som skal gå ned til der sjølve hælen er. I mitt eksempel har eg 32 masker på pinnen og tar utgangspunkt i dette i eksempelet:

Ta laust av fyrste maske, og strikk så 18 masker. Ta så ei maske laust av, strikk neste maske, og ta så den lause maska over. Strikk ei maske.

Ta av ei maske laust og strikk så 1 maske.


Ta så den maska du tok laust av, og trekk over den maska du nettopp strikka. Strikk 1 maske etter dette.


Etter dette snur ein arbeidet, sjølv om ein ikkje har strikka ferdig pinnen. Ta fyrste maske laust av, og strikk 7 masker vrangt. Strikk så to masker vrangt saman. Strikk så ei maske.

Strikk to masker saman vrangt. Du gjer akkorat slik som når ein strikkar ei vrangt, men tar med to i slengen. Strikk 1 maske vrangt etter dette.


Snu arbeidet igjen, og strikk til 1 maske før "gapet", gjenta same prosedyre her med å ta av 1 maske laust, strikk ei, ta over, og strikk 1 maske. Snu arbeidet. Strikk vrangt tilbake til 1 maske før gapet, strikk 2 saman vrangt, og strikk så 1 maske.

Gjenta dette heilt til du har "brukt opp" alle maskene på sidene. Då vil hælen sjå slik ut:

Ein stk. ferdig hæl!



Når dette er gjort må ein ta opp masker langs sida, slik at du knyttar hælen til sokken igjen. Då skal du benytte dei 13 "løkkene" som har danna seg etter at du strikka att og fram tidlegare.

Desse maskene skal du ta opp.


Slik ser det ut etter at du er ferdig med hælen.


Du skal nå ta opp 15 masker på kvar side. Det skal vera 13 "løkker" som du skal ta opp, pluss 1 maske mellom pinne 1 og 2, og ei maske mellom 2 og 3. Det er ikkje så kjempenøye, så lenge du får tatt opp 15 masker uten at det blir nokon store hull.

Ta opp 15 masker langs sida.



Etter at du har tatt opp 15 masker langs sida, strikk over dei neste to pinnane, slik a du kjem til andre sida. Ta opp 15 masker også her. 

Her er det tatt opp 15 masker på kvar side. Slik eg har nummerert pinnane er at den nederste til venstre er nr. 1 og så går det klokkevis, slik at den nederst til høgre er nr. 4. 


Nå startar du med å strikke rundt som før. Men på anna kvar omgang skal du felle i slutten på pinne 1 og starten på pinne 4:

Strikk pinne 1 til det gjenstår 4 masker. Strikk to masker saman og strikk ut pinnen. Strikk så pinne 2 og 3. På pinne 4 strikkar du 2 masker, så tar du ei laust av, strikkar ei, og drar den lause over. Dette skal gjennta anna kvar omgang, og du skal felle til saman 7 ganger (dvs. 14 masker) 

Når dette er gjort er det berre til å strikke sokken så lang du vil ha den, og så felle av for tå (vil kome innlegg opp tåfelling seinare). Det vil også etter kvart komme eit innlegg om den type hælen som eg har strikke på vaffelsokken min :) 

Håpar dette er forståelig for deg som ikkje har strikka hæl før. Er berre til å ta kontakt om noko skulle vera uklart. 

God strikking! :)

mandag 13. juni 2011

Strikke på reisefot?

Ofte når eg er ute på reisefot (noko som er forholdsvis ofte når ein studerar borte frå heimen) har eg bruk for fleire ulike størrelse pinnar. Spesielt når eg er litt lengre vekke og vil starte på fleire strikkeprosjekter. Det store strikkepinneetuiet  blir for tungvindt å dra med seg. Så i dag har eg laga meg eit strikkepinneetui som vil vera veldig praktisk i slike situasjonar:




Strikkepinneetui med plass til 5 sett med pinnar :)


Blei nokså nøgd med dette! Så nå blir det strikking sjølv om eg er på tur!

Når eg fyrst satt meg ned for å laga dette så hadde eg ein litt annan løysning i tankane, men ombestemte meg mens eg holdt på. Resultatet blei at etuiet blei for kort, men då laga eg det om til eit etui for kortare pinnar, noko eg har tenkt å prøve meg på uansett :)



Strikkepinneetui for korte pinnar med plass til 4 sett :) Korte pinnar har eg ikkje i hus endå, men det kjem vel ein dag det også :P

Strikka mann og kone

Da eg var hjå mormor og morfar i går for å hjelpe til med husarbeidet kom er over desse:

Strikka mann og kone

Desse har eg laga for ein goood del år sidan, huskar ikkje kor gammald eg var, men vil tippe barneskulen ein gång. Syns dei var så søte :P Kanskje dette kan vera eit lite tips til kva dykk kan laga ilag  med dei små? Det er jo berre ein strikka firkant som er sydd saman og pynta på :)

søndag 12. juni 2011

Strikkeveske på bestilling

I utgangspunktet hadde eg ikkje tenkt å laga strikkevesker på bestilling, men så var det ei som spurde så fint og i tillegg har eg for augeblinken mykje fritid, så kvifor ikkje? :) Her er resultatet:





Strikkevesker med strikkepinne-etui i fint blomsterstoff

Det er den med kvitt inni som er bestillt, men ettersom eg som regel syr to om gangen så blei det ei ekstra også denne gangen. I grunn syntest eg at det var den med kvitt inni som blei finast, så har ikkje heilt bestemt meg kva eg skal gjera med den med rosa inni. Kanskje selge den, kanskje ha den sjølv? Eg blei såpass fornøyd med dette stoffet, at om eg bestem meg for å selge begge må eg få kjøpt meir av dette stoffet og sy ny til meg sjølv ;) 

Håpar mottakar av denne strikkeveska blir fornøgd iallefall :) 

fredag 10. juni 2011

Blomstrete strikkevesker del 2

Sånt, då var dei siste strikkeveskene frå dette innlegget ferdig. Endelig! Dei har fått lege lenge å venta på å bli ferdig, og det var ikkje mykje igjen på dei så det gjekk veldig fort :) 



Fire stk ferdige strikkevesker :) Minst ei av desse blir gåve til mamma sin bursdag!

Eg har fått nokre forespørslar på om eg sel desse strikkeveskene eg lagar. Og for dei som er interessert kan eg kome med ei gladmelding, for det har eg tenkt å gjere! Likevel eg har ingen planar om å lage dei på bestilling, det har eg ikkje tid til. Men ofte når eg set meg ned for å lage dei så lagar eg fleire i slengen, og då er planen å selje dei som eg ikkje sjølv har bruk for. Dei vil då bli lagt ut på bloggen og det er bare til å ta kontakt på mail om du er interessert i å kjøpe. Prisen blir hhv. 150 og 200 for strikkeveske og strikkeveske m/strikkepinneetui, pluss porto. Dette vil gjelde standardstørrelsen, og "normalt" stoff. Om dyrare stoff blir benytta eller dei er større enn vanleg kan prisen bli noko høgare, men stort sett vil det bli den nevnt ovanfor. Strikkeveskene er veldig enkelt sydd, og målar ca 26x12x12.

Av dei strikkeveskene som er i dette innlegget er dei to rosa til salgs, og skal også lage strikkepinne-etui til desse, så då blir ein "pakkedeal" til 200 + porto :) Send meg ein mail om du skulle vera interessert.

Det vil lagt ut fleire strikkevesker til salgs etter kvart som eg får laga fleire. Det er også fint om du legg igjen ein liten melding om du skulle ha interesse av å kjøpe strikkeveske (men ikkje nødvendigvis desse i rosa), slik at eg kan få ein anelse av kor stor etterspørselen er :)