Bloomsbury og foldeskjørt #2

Kvifor endre ein god kombo? Denne komboen blei strikka for fyrste gong i 1-årsgåve før jul, og blei så igjen strikka i 4 år:

Genser, skjørt og lue

 Foldeskjørtet frå "Strikk til smårollinger" har blitt strikka før, dette er tredje gong eg strikkar det. Veldig søtt skjørt til ei lita ei!

Mønster: Foldeskjørt frå Strikk til smårollinger
Garn: Merino Extra fine
Pinne: nr. 3
Størrelse: 3-4 år
Garnforbruk: ca 140g

Bloomsbury-genseren er både fin å sjå på og gøy å strikke! 

Mønster: Bloomsbury genser
Garn: Nepal frå Drops
Pinne: nr. 5 og 5,5
Størrelse: 4 år
Garnforbruk: ca 250g

Genser og skjørt!

Baksida av genseren

Og sjølvsagt Clover Earflap Hat for N'te gang!  

Mønster: Clover Earflap Hat
Garn: Baby Merino
Pinne: nr. 3
Størrelse: 24-48 mnd
Garnforbruk: ca 42g

Lue og genser

Fullt sett til ei lita jente!

Olivias omslagsjakke og romper

Romper. Mitt signaturplagg som det har blitt etter kvart. Også denne gong som barselgåve. Håpar dei som får romparane er like glad i romper som meg! Romperen blei gitt i skjønn forening med Olivias omslagsjakke. Til tross for navnet er denne jakka unisex, i alle fall etter mi meining. Jakka har same effekt på armane som "Lun genser" som er strikka for ei god stund sidan, og det er ein effekt eg likar veldig godt! 

Sett med lue, omslagsjakke og romper. 

Romperen som blei strikka denne gong kjem frå eit hefte frå Sandnesgarn (nr. 1408) og den har blitt strikka i mini duett, eit blandingsgarn av ull og bomull. 

Mønster: Kortbukse med seler frå Sandnesgarn hefte nr 1408
Garn: Mini Duett
Pinne: nr. 2,5 og nr. 3
Størrelse: 6-9 mnd.
Garnforbruk: 74g

Omslagsjakka er frå Pickles.no og den er berre supersøt! Eg falt pladask nå eg såg denne i "remake"-versjon for litt sidan, og har venta på ein passande anledning for å strikke denne. Eg syns at denne jakka i kombinasjon med romperen var ein veldig fin kombo!

Mønster: Olivias omslagsjakke frå Pickles.no
Garn: Merino Extra Fine
Pinne: nr. 3 og nr. 3,5
Størrelse: 3-6 mnd
Garnforbruk: 116 g

Ei lue måtte også til, og sjølvsagt måtte det bli ein Clover Earflap Hat. Eg har faktisk mysta tellinga på kor månge slike eg har strikka! Men fine er dei!

Mønster: Clover Earflap Hat
Garn: Mini Duett
Pinne: nr. 3 og nr. 3,5
Størrelse: 3-6 mnd.
Garnforbruk: 24 g

Komplett sett!

Shorts, topp og kyse i skjønn forening

Instagram er ein veldig fin inspirasjonskilde som eg brukar dagleg (følg meg på @strikkexpressen) og eg finn støtt og stadig inspirasjon til både nye strikkeplagg og fargekompinasjonar. Før jul falt eg pladask for ein fargekombo og strikkeplagg samasetning, der eg faktisk hadde alle mønsterene OG fargar i garnlageret mitt. Så då var det berre å sette i gong! 

Setter består av Lillies topp frå hefte "Babystrik på pinde 3", bleiebukse frå Hentesettet til ministrikk.no, og 3-i-1 kyselue også frå ministrikk.no. Heile settet er strikka i babymerino frå Drops. Inspirasjon til dette nydelige sette fann eg hos @mrsdrange. Ofte må ein sjå komboen for å forstå at det er ein veldig fin fargekombo! Dette var eit slikt tilfelle. Eg ville nok aldri ha valgt denne faregkomboen ut av det blå, men med ein gong eg såg han falt eg heilt!

Mønster: Lillies Top
Garn: Baby Merino frå Drops
Pinne: nr. 2,5 + nr. 3
Størrelse: 0-3 mnd.
Garnforbruk: 60g

Ettersom eg ikkje er såååå fan av vrange masker, og med tanke på at bleiebuksen kun er vrangmasker, fann eg ein genial løysning. Eg strikka den på vranga! Men å strikke denne på vranga skal ei strikke glattstrikk. Så heile shortsen blei strikka i glattstrikk, før den til slutt blei vrengt ut på "rettsida" og eg strikka så rundt beina. Det går mykje fortare å strikka han på denne måten. Eg oppdaga derimot etter eg var ferdig, at eg har mistolka oppskrifta litt, så mi bleiebukse blei med høgt liv. Normalt skulle den vore nokre cm kortare. Men pytt pytt, den funker også slik!

Mønster: Bleiebukse frå Hentesettet (Ministrikk.no)
Garn: Baby Merino frå Drops
Pinne: nr. 3 og nr. 3,5
Størrelse: 3-6 mnd
Garnforbruk: 60g

Pom-ponger på bleiebuksen som matcher toppen

Mønster: 3-i-1 kyse frå Ministrikk.no
Garn: Baby Merino frå Drops
Pinne: nr. 3
Størrelse: 3-6 mnd.
Garnforbruk: under 50g.
 

Topp og lue!

Eit komplett supersøtt matchande sett! 

Teststrikking; Bleiebukse frå Tidilibom.no

I haust teststrikka eg ei bleiebukse for Tiddelibom.no. Eg syns den var veldig søt, og den gjekk fort å strikke. Då er det greit å teststrikke! Den er strikka i Merino Extra Fine og størrelsen eg blei bedt om å strikke var 3 mnd. Oppskrifta (med flerie størrelsar) kan kjøpast på nettsida hennar, Tidilibom.no. 

Ferdig resultat!

 Belietrusa er strikka ei eit stykke, slik at framstykket og bakstykke heng saman. Enkel og genial måte å strikke slike plagg på syns eg! Det gjer også at den er morosam å strikke og lite montering (kun å strikke rundt beina etterpå).

Baksida, mønsteret går heile vegen

 Det stod i oppskrifta at det skulle gå med 50g, altså 1 nøste. Det stemte ikkje heilt for meg, og det gjekk med heile 65g, og eg måtte derfor ut å kjøpe eit ekstra nøste.

Bleiebuksa sett frå sida

Mønster: Bleiebukse frå Tiddelibom.no
Garn: Merino Extra Fine frå Drops
Pinne: nr. 4
Størrelse: 3 mnd
Garnforbruk: 65g

Vintage babyromper med nydelige fletter

Tidligare i haust kom eg over eit bilete av ein romper når eg googla rundt. Eg fall for han med ein gong med dei fine flettene sine. Og dykk har vel forstått at eg er hekta på rompere? Så eg starta å saumfara internett for å finne oppskrifta, og trur du ikkje eg klarte det til slutt? Oppskrifta fann eg, det var ei engelsk oppskrift, men det gjer jo ingenting! (link til oppskrift her)

Det var dei fine flette som går langs sidene og opp på  selane eg fall for

 Etter å ha diskutert litt med nokre veninner når me hadde strikkekveld, så kom eg fram til at den lys lys grønne fargen på nokre Baby Merino nøster endelig skulle få sjå dagens lys. Noko eg var veldig nøgd med, for eg hadde gått lenge og grunda på kva eg skulle bruke denne fargen til.

Nydelige detaljer!

Baksida, også med dei fine flettene. 

 Som regel klarer eg å finne knappar i lageret mitt, ettersom eg har samla opp ei god samling, men denne gong såg eg nokre knappar på den lokale strikkebutikken som ville passa perfekt! Dei kunne ikkje stått finaere til fargen.

Flettene går opp langs sida og fylgjer så bak på selane.
Eg vart omså spesielt nøgd med knappane, passa perfekt til fargen! 

 Eg strikke det aller meste av oppskrifta til punkt og prikke, det einaste eg gjorde om var skrittet. Eg tenkte at det ville vara mest praktisk å ha knappar i skrittet. Eg brukte då den nye metoden min, som eg også brukte på Solskinnsdrakten frå Paelas; men denne gongen med berre 3 knappar ettersom størrelsen ikkje er så stor. Å endre ein drakt utan åpning i skittet til å få det er nokså enkelt, du gjer berre slik;

Når du legg opp masker til å starte forstykket strikkar du først f.eks. riller slik eg har gjort (ca 4 riller) før du går over til å auke slik oppskrifta seier. På bakstykket gjer du det same, men strikkar inn knappehol f.eks. etter 2 rilla. Denne gongen laga eg eit knappehol midt på. Når drakta er ferdig og du skal strikke rundt beina (strikker dette at og fram f.eks 1r, 1v) strikker du inn eit knappehol på bakre del etter nokre omgangar, må etter knappeholet som allereie er der, slik at dei kjem ca på linje. Med å strikke knappehola slik, unngår du at du får to lause flikar når du strikkar beinkanten att og fram. Det ser mykje finare ut!

Knappar i skrittet

Fletter langs heile sida

Mønster: Cable Playsuit
Garn: Baby Merino frå Drops
Pinnestørrelse: nr. 2,5
Størrelse: Infant size (one size)
Garnforbruk: 69g

Maritim Solskinnsdrakt

Etter å ha sett eit kjempefint bilete på instagram av ein solskinnsdrakt som var strikka med eit maritimt innspel. Garn fann eg liggande i lageret mitt, så då var det berre å setta i gong. Garnet eg fall på denne gong var Merino Cotton frå Drops. Syns dette garnet er veldig godt å strikke med. 

Skulderpartiet er nok av det finaste med heile drakta syns eg!

Mønster: Solskinnsdragt fra Paelas.com
Pinne: nr. 4 + nr. 2,5 til midjepartiet
Størrelse: 1 år
Garnforbruk: Blå ca 100g, kvit va 30g

Det er ikkje fyrste gong eg har strikka denne, den blei også strikka tidligare i somar (du kan lese om den her), men den er så søt at det ikkje gjorde meg noko å strikke den ein gong til!

I motsetning til førre gong, blei denne strikka med knappar i skrittet. Dette er vel i grunn mest praktisk. Det einaste eg ikkje likte med oppskrifta når ein skulle laga knappehol i skrittet var at det kun var knappar i midtpartiet, mens kanten du lagar på buksebeina blir hengande å "flagre". Det eg derfor gjorde var å lage to knappehol på midtpartiet, idet du startar på drakta. I tillegg laga eg eit knappehol på kvar side når eg laga kanten rundt buksebeinet også, slik at desse kantane "heng saman", og får då totalt 4 knappar på rekke og rad. 

Tøfler til Fattighuset

På julebordet med jobben i år blei me oppfordra til å ta med gåver til Fattighuset. Sjølvsagt måtte eg strikke noko! Ettersom det var litt knapt med tid endte valet på eit par tøfler frå Drops som eg har strikka før. Og dei blei ferdig i tide heldigvis! Viss du har lyst å gi noko til Fattighuset kan det sendast til: Fattighuset 39, 0190 Oslo.

Mønster: Little red Riding Slippers

Garn: dobbel tråd Nepal 

Pinne: nr 6

Størrelse: ca 36-38

Garnforbruk: 267g

Fly with me vest

Det blei i somar ein del Paelas-strikk, men det er ikkje alt som har kome seg på bloggen. Og her er nok eit Paelas-plagg som blei strikka i somar, men som har brukt litt tid på å kome på bloggen. Nemlig Fly with me vest. Eg forelska meg heilt i desse "vingene". Dei er også å finne på sommardrakten til Paelas, som eg også har strikka. 

Elsk på desse vingene!

Eg var før somaren på fabrikkutslaget til Sandnesgarn og kjøpte inn ein heil del garn. Blant desse garnøsta, dukka det opp to nøster i Alpakka i ein nydelig rustfarge. Eg syns fargen passa perfekt til dette prosjektet. Og slik blei det! 

 Kantene ruller seg litt, så den burde nok ha vore dampa. Ellers går det også an å strikke snorer til for å "binde" den saman, men eg syns den er fin utan.

Mønster: Fly with me vest frå Paelas.no
Garn: Alpakka frå Sandnesgarn
Pinne: nr. 4
Størrelse: 1-2 år
Garnmengde: 54g

Eg laga vingene større enn oppskrifta for å få meir effekt. Dette gjorde eg ved å ta opp like mange masker som størrelsen over skulle ha på pinne nr. 3,5. Så strikka eg fyrst ei ny maske i kvar maske, så ein omgang i anna kvar masker. Videre gjorde eg 6 vendinger i kvar side og fellte til slutt av frå vranga. 

Romper og romperjakke frå Gustav og Berta

Det var rett før eg gløymde ut å blogge om dette fine settet! Det måtte vente litt etter eg var ferdig med det i somar, slik at eg kunne halde det hemmelig for mottakaren, men så holdt det på å gå heilt i gløymeboka!

Settet er frå boka "Strikk til smårollingen" til jentene bak bloggen "Gustav og Berta". Eg har strikka romperen før (du kan lese innlegget her) i eit ull/bomull garn, men denne gong fall valget på alpakka. Nærmare sagt Alpakka Baby Silk frå Drops, i ein nydelig mintfarge.

Settet bestod av romper, jakke og lue

Eg strikka settet i størrelse 9-12 mnd, men ettersom eg strikka med tynnare garn enn oppskrifta satsa eg på at den ville ende opp på ca 3-6 mnd. Det trur eg også at det blei sånt ca. 

Mønster: Romperjakke frå Strikk til smårollinger
Garn: Alpakka Baby Silk frå Drops
Pinne: nr. 3,5
Størrelse: 9-12 (virkelig 3-6)
Garnmengde: 78g

Mønster: Romper frå Strikk til smårollinger
Garn: Alpakka Baby Silk frå Drops
Pinne: nr. 3 og 3,5
Størrelse: 9-12 mnd (virkelig 3-6)
Garnmengde: 57g

Mønster: Kyselue frå Strikk til smårollinger
Garn: Alpakka Baby Silk frå Drops
Pinne: nr. 3
Størrelse: 9-12 mnd
Garnmengde: 20g